Հանրային դասախոսություն Կիպրոսի համալսարանում

23 սեպտեմբերի, 2026

Սեպտեմբերի 23-ին՝ Հայաստանի Հանրապետության Անկախության 35-րդ տարեդարձին նվիրված միջոցառումների շրջանակներում, Կիպրոսում Հայաստանի Հանրապետության դեսպան Իննա Թորգոմյանը Կիպրոսի համալսարանում հանդես է եկել «Հայաստանի եվրոպական ուղին․ բարեփոխումներ, զարգացում և գլոբալ փոխկապակցվածություն» խորագրով հանրային դասախոսությամբ։ Դասախոսությունը կազմակերպվել էր Կիպրոսի համալսարանի և Կիպրոսում Հայաստանի Հանրապետության դեսպանության համագործակցությամբ և համախմբել էր ուսանողների, ակադեմիական շրջանակների և հայ համայնքի ներկայացուցիչների, պաշտոնյաների և դիվանագիտական համայնքի անդամների։

Դեսպան Թորգոմյանը ներկայացրել է Հայաստանի եվրոպական ուղին, իրականացվող բարեփոխումները և զարգացման առաջնահերթությունները, տարածաշրջանային խաղաղության, կայունության և փոխկապակցվածության վերաբերյալ Հայաստանի տեսլականը, ինչպես նաև եվրոպական և միջազգային գործընկերների հետ Հայաստանի ներգրավվածությունը։ Նա ընդգծել է նաև տարածաշրջանային համագործակցության և փոխկապակցվածության խորացմանն ուղղված Հայաստանի ջանքերը։

Դասախոսությանը հաջորդել է բովանդակալից և ինտերակտիվ քննարկում լսարանի հետ, որի ընթացքում անդրադարձ է կատարվել Հայաստանի զարգացման գործընթացին, եվրոպական ուղուն, փոխկապակցվածության ծրագրերի հնարավորություններին և տարածաշրջանային ու միջազգային փոփոխվող միջավայրում Հայաստանի դերակատարությանը։

ՀՀ ԱԳՆ
պաշտոնական կայք

ԵՐԿՔԱՂԱՔԱՑԻՈՒԹՅՈՒՆ

Էլեկտրոնային վիզա

Արտոնագրի ձևեր