Հանդիպում Կիպրոսի Գենդերային հավասարության հանձնակատարի հետ

18 մայիսի, 2026

Մայիսի 15-ին Նիկոսիայում ՀՀ ԱԳՆ Մարդու իրավունքների և հումանիտար հարցերի վարչության պետ Կարինե Սուջյանը հանդիպել է Կիպրոսի Գենդերային հավասարության հանձնակատար Ջոսի Քրիստոդուլուի հետ։

Կողմերը քննարկել են գենդերային հավասարության խթանմանն ու Հայաստանի և Կիպրոսի համապատասխան կառույցների միջև համագործակցության ամրապնդման և փորձի փոխանակման հնարավորությունները։

Զրուցակիցները նաև մտքեր են փոխանակել միջազգային հարթակում համագործակցության հնարավոր ուղղությունների շուրջ՝ ընդգծելով ժամանակակից մարտահրավերները, այդ թվում՝ կիբերբռնությունը, առցանց ոտնձգությունները և թվային միջավայրում գենդերային խտրականության խնդիրները։

Երկու կողմերն էլ ընդգծել են շարունակական երկխոսության և փոխադարձ հետաքրքրություն ներկայացնող հարցերում համագործակցության կարևորությունը՝ շեշտադրելով կանանց առաջնորդության խթանման, իրավունքների պաշտպանության և հզորացման անհրաժեշտությունը, ինչպես նաև կանանց` ավելի լայն ներգրավվածությունը հասարակական և որոշումների կայացման գործընթացներում։

ՀՀ ԱԳՆ
պաշտոնական կայք

ԵՐԿՔԱՂԱՔԱՑԻՈՒԹՅՈՒՆ

Էլեկտրոնային վիզա

Արտոնագրի ձևեր