Մելքոնյան կրթական հաստատության 100-ամյակին նվիրված հուշագրքի շնորհանդես Նախագահական պալատում

25 հունիսի, 2026

Հունիսի 25-ին Հայաստանի Հանրապետության դեսպանությունը մասնակցել է Կիպրոսի Հանրապետության Նախագահական պալատում կայացած Մելքոնյան կրթական հաստատության հիմնադրման 100-ամյակին նվիրված հուշագրքի շնորհանդեսին։

Նախաձեռնությունը համակարգվել է Կիպրոսի Ներկայացուցիչների պալատում հայկական համայնքի ներկայացուցչի գրասենյակի կողմից՝ Կիպրոսի Հանրապետության Կրթության, սպորտի և երիտասարդության նախարարության, ինչպես նաև Մամուլի և տեղեկատվության գրասենյակի աջակցությամբ։ Հրատարակությունը կյանքի է կոչվել հայկական համայնքի մի շարք անդամների, գիտնականների, շրջանավարտների և նվիրյալ անհատների արժեքավոր ներդրման շնորհիվ, որոնք համատեղ ջանքերով փաստագրել և պահպանել են Մելքոնյան կրթական հաստատության հարուստ ժառանգությունը։

Հուշագիրը հարգանքի տուրք է Մելքոնյան կրթական հաստատության դարավոր ժառանգությանը՝ որպես խորհրդանշական կրթօջախի, որը կրթել է սփյուռքի տարբեր համայնքներից սերած հայ երիտասարդների բազմաթիվ սերունդներ և կարևոր դեր է ունեցել հայկական ինքնության, լեզվի, ժառանգության և մշակութային շարունակականության պահպանման գործում։

ՀՀ ԱԳՆ
պաշտոնական կայք

ԵՐԿՔԱՂԱՔԱՑԻՈՒԹՅՈՒՆ

Էլեկտրոնային վիզա

Արտոնագրի ձևեր