Հանդիպում Կիպրացի գործարարների պատվիրակության հետ՝ Հայաստան կատարած այցից հետո

08 հունիսի, 2026

Հունիսի 8-ին դեսպան Իննա Թորգոմյանը ընդունել է կիպրացի գործարարների պատվիրակությանը, որը վերջերս վերադարձել էր Հայաստան կատարած այցից։ Այցը կազմակերպվել էր «Successful Business Leaders’ Club»-ի նախագահ Նատալիա Կարդաշի նախաձեռնությամբ։

Հանդիպման ընթացքում պատվիրակության անդամները կիսվել են այցից ստացած իրենց տպավորություններով և դիտարկումներով՝ ընդգծելով փոխադարձ հետաքրքրություն ներկայացնող տարբեր ոլորտներում այն հնարավորությունները, որոնք տեսնում են Հայաստանի և Կիպրոսի միջև համագործակցության հետագա զարգացման համար։

Քննարկման առանցքում էին գործարար կապերի ընդլայնման, ներդրումների և առևտրի խթանման, ինչպես նաև երկու երկրների մասնավոր հատվածների միջև անմիջական համագործակցության ամրապնդման հեռանկարները։ Մասնակիցները նաև մտքեր են փոխանակել հնարավոր համատեղ ծրագրերի և նախաձեռնությունների շուրջ, որոնք կարող են նպաստել Հայաստան-Կիպրոս երկկողմ տնտեսական համագործակցության հետագա զարգացմանը։

ՀՀ ԱԳՆ
պաշտոնական կայք

ԵՐԿՔԱՂԱՔԱՑԻՈՒԹՅՈՒՆ

Էլեկտրոնային վիզա

Արտոնագրի ձևեր