ՀՀ դեսպանի հանդիպումը Կիպրոսի Ներկայացուցիչների պալատի նախագահի հետ

07 մայիսի, 2025

Կիպրոսում ՀՀ դեսպան Իննա Թորգոմյանը հանդիպել է Կիպրոսի ներկայացուցիչների պալատի նախագահ Անիտա Դինիտրիուի հետ:

Հանդիպման ընթացքում Ներկայացուցիչների պալատի նախագահն արձանագրել է Հայաստանի և Կիպրոսի միջև քաղաքական երկխոսության բարձր մակարդակը՝ հիմնված երկու ժողովուրդների պատմականորեն ձևավորված բարեկամական կապերի և համագործակցությունը բոլոր ուղղություններով խորացնելու փոխադարձ պատրաստակամության վրա: Այս համատեքստում կարևորվել է երկու երկրներում նստավայր դեսպանությունների բացումը:

Դեսպանը շնորհակալություն է հայտնել Կիպրոսի խորհդարանի նախագահին Հայաստանին և հայ ժողովրդին վերաբերող հարցերում ցուցաբերած աջակցության և դիրքորոշման համար, կարևորել է Կիպրոսի հետ հարաբերությունների զարգացումը բոլոր մակարդակներում՝ արձանագրելով երկու երկրների միջև խորհրդարանական դիվանագիտության բարձր մակարդակը, ինչի դրսևորումն է առաջիկայում սպասվող՝ Կիպրոսի խորհրդարանի նախագահի այցը Հայաստան:

Քննարկվել են նաև բազմակողմ հարթակներում փոխգործակցությանը վերաբերող հարցեր։

Հանդիպմանը մասնակցել է Կիպրոսի Ներկայացուցիչների պալատում հայ համայնքի ներկայացուցիչ Վարդգես Մահդեսյանը։

ՀՀ ԱԳՆ
պաշտոնական կայք

ԵՐԿՔԱՂԱՔԱՑԻՈՒԹՅՈՒՆ

Էլեկտրոնային վիզա

Արտոնագրի ձևեր